ધૂળજીભાઈ ગાંડાભાઈ ગામીત

મુ. સાવરખલ, પોસ્ટ-પીપલદહાડ,

તા. આહવા, જિ. ડાંગ

ડાંગ જિલ્લાના સાવરખલ ગામના ધૂળજીભાઈ ગાંડાભાઈ ગામીત નાગલી અને તુવેરના પાકમાં ફૂલખરણ અટકાવવા માટે મહુડાનાં ફૂલ અને ગરમાળાનો ઉપયોગ કરે છે.

ખેડૂતના જણાવ્યા મુજબ, આઠથી દસ ગરમાળાની સીંગ અને 500 ગ્રામ સૂકા અથવા લીલા મહુડા લેવામાં આવે છે. ગરમાળાની સીંગનો ઝીણો ભૂકો અને મહુડાને પાણીમાં પલાળીને એક રસ કરવામાં આવે છે. આ રસને ગળણી વડે ગાળીને પાક ઉપર છંટકાવ કરવામાં આવે છે.

આ પ્રયોગ તુવેરમાં ફૂલ આવવાની અવસ્થાએ અને નાગલીમાં કંટી નીકળવાની અવસ્થાએ  કરવામાં આવે છે. નાગલીમાં જીવાત નિયંત્રણ થાય છે અને કંટી સારી નીકળે છે. આથી ઉત્પાદનમાં વધારો થાય છે.

સંકલનઃ ચીમનભાઈ પરમાર